Fimmtudagur, 09 Ágúst 2018 21:33

Valgarð annar Íslendingur í sögunni til að komast í úrslit á Evrópumóti

Valgarð Reinhardsson var rétt í þessu að tryggja sig í úrslit á stökki á Evrópumótinu í áhaldafimleikum. Valgarð er fyrstur Íslendinga til að keppa í úrslitum á stökki á Evrópumóti í fullorðinsflokki og annar Íslendingurinn í sögunni til að tryggja sig í úrslit á Evrópumóti. Engin Íslendingur hefur komist í úrslit á Evrópumóti síðan árið 2004 þegar Rúnar Alexandersson komst í úrslit á bogahesti. Einungis Valgarð og 

Hér má sjá myndband af stökkunum.

Valgarð er í 5. sæti inn í úrslitin og fékk fyrir stökkin sín einkunnina 14,233. Alls komast 8 keppendur í úrslit á hverju áhaldi, en til þess að komast í úrslit þarf að keppa með tvö stökk úr mismunandi erfiðleikaflokki. Alls eru 151 keppandi frá 36 þjóðum mættir til leiks.

Keppendurnir sem komust í úrslit eru eftirfarandi; 

1. Adrey Medvedev frá Ísrael með einkunnina 14,849
2. Igor Radivilov frá Úkraínu með einkunnina 14,783
3. Artur Dalaloyan frá Rússlandi með einkunnina 14,716
4. Dmitrii Lankin frá Rússlandi með einkunnina 14,383
5. Valgarð Reinhardsson frá Íslandi með einkunnina 14,233
6. Dimitar Dimitrov frá Búlgaríu með einkunnina 14,199
7. Konstantin Kuzovkov frá Georgíu með einkunnina 14,149
8. Loris Frasca frá Frakklandi með einkunnina 14,100

Valgarð er 22 ára á árinu og núverandi Íslandsmeistari og fimleikamaður ársins 2017. Valgarð er úr Gerplu en æfir nú með Alta í Kanada sem kosið var besta fimleikafélagið þarlendis árið 2013. Á sínu fyrsta ári í Kanada varð Valgarð í tólfta sæti á kanadíska meistaramótinu og í ellefta sæti á Elite Canada, sem er mót þeirra bestu þar í landi og einungis þeir sem hljóta boð fá þátttökurétt. 

Úrslit á einstökum áhöldum fullorðinna verða sýnd í beinni útsendingu á RÚV á sunnudag og hefst keppnin kl. 13:25 á íslenskum tíma. Úrslit á stökki hefjast samkvæmt skipulagi kl. 15:30. 

Hér má sjá allar æfingar Valgarðs frá deginum í dag. 

Áfram Ísland
#TheMoment
#EC2018
#fimleikarfyriralla
#fyririsland