Þriðjudagur, 21 Ágúst 2018 11:26

Fimleikasambandið auglýsir eftir starfsmanni á skrifstofu

Fimleikasamband Íslands óskar eftir að ráða drífandi einstakling til starfa. Um er að ræða 100% starf fyrir einstakling sem hefur áhuga á að vinna á öflugum og skemmtilegum vinnustað í ögrandi og síbreytilegu umhverfi að frekari uppbyggingu fimleika á Íslandi.

Helstu verkefni

  • Almennt skrifstofustörf skv. ákvörðun framkvæmdastjóra.
  • Símsvörun á milli 9-16.
  • Umsjón með skráningum í tölvukerfi sambandsins.
  • Flug- og hótelbókanir.
  • Þjónusta við fimleikafélög í landinu.
  • Önnur tilfallandi vefimlrkefni.

Menntunar- og hæfniskröfur

  • Framúrskarandi samskiptahæfileikar.
  • Frumkvæði, nákvæmni og ögun í vinnubrögðum.
  • Góð færni í framsetningu upplýsinga.
  • Geta til að vinna sjálfstætt og í hóp.
  • Góð íslensku- og enskukunnátta.
  • Góð þekking á office pakkanum.
  • Þekking á fimleikum er kostur.

 

Starfshlutfall er 100% og viðkomandi þarf að geta hafið störf sem allra fyrst.

Starfsstöð er á skrifstofu FSÍ Engjavegi 6.

Umsóknarfrestur er til og með 31. ágúst. Umsókn skal sendast á This email address is being protected from spambots. You need JavaScript enabled to view it., fullum trúnaði heitið.

Nánari upplýsingar veitir Sólveig Jónsdóttir framkvæmdastjóri FSÍ, This email address is being protected from spambots. You need JavaScript enabled to view it.  

Um Fimleikasamband Íslands 

Fimleikasamband Íslands (FSÍ) fagnaði á árinu 50 ára afmæli. Fimleikar eru í dag þriðja fjölmennasta íþróttagreinin innan ÍSÍ með um 13.000 iðkendur, af þeim eru um 70% konur sem gerir fimleika að lang fjölmennustu íþrótt kvenna innan ÍSÍ. Á skrifstofu sambandsins vinna 5 starfsmenn í fullu starfi auk 20 landsliðsþjálfara auk 25 einstaklinga sem starfa í fagnefndum á vegum sambandsins.