Print this page
Fimmtudagur, 11 Apríl 2019 18:30

Undanúrslitum á Evrópumótinu lokið - Myndbönd

Agnes og Thelma voru að ljúka keppni á Evrópumótinu í áhaldafimleikum sem fer fram í Szczecin í Póllandi. Keppni í undanúrslitum karla fór fram í gær og í kvennaflokki í dag. Agnes er núverandi Íslandsmeistari í fjölþraut og mikill reynslubolti. Hún stóð sig vel á mótinu, gerði allar sínar æfingar örugglega og lauk keppni með 45.365 stig. Thelma var að keppa í annað sinn á Evrópumóti í fullorðinsflokki en gat því miður einungis keppt á tvíslá eftir að hafa meitt sig á æfingu á þriðjudaginn. Thelma gerir mjög erfiðar æfingar á tvíslánni og framkvæmdi æfingar sína mjög vel og fékk fyrir það 11.533 stig. 

Hér má sjá æfingar þeirra frá deginum: 

Agnes Suto-Tuuha
Thelma Aðalsteinsdóttir

Emilía Björt og Vigdís kepptu í öðrum hluta mótsins, en þær voru báðar að keppa á sínu fyrsta Evrópumóti í fullorðinsflokki. Vigdís átti ótrúlega góðan dag og gerði allar sínar æfingar vel og örugglega. Örlitilir hnökrar voru í æfingum hjá Emilíu en reynslan af mótinu gríðarlega mikilvæg og upplifunin af deginum var góð.

Hér má sjá myndbönd af æfingum stelpnanna: 

Emilía Björt Sigurjónsdóttir
Vigdís Pálmadóttir

Hér er hægt að sjá allar einkunnir af mótinu. 

Áfram Ísland!
#fyririsland
#fimleikarfyriralla
#islenskirfimleikar